Təməl

“Foundation” proqramı, xaricdə müəyyən universitetlərdə bakalavr təhsili almaq üçün tanınan və çox üstünlük verilən hazırlıq proqramıdır. Əgər namizəd tələbənin TOEFL və ya IELTS nəticəsi yoxdursa o zaman bu proqram vasitəsilə xaricdə təhsil almağa başlaya bilər. Günümüzdə bəzi xarici universitetlər “Foundation” proqramına belə qəbul apararkən TOEFL və ya ILETS nəticəsi tələb edirlər. Bundan əlavə bir sıra ölkələrdə məktəb təhsili 11 il olduğu üçün namizədlər 12 ci təhsil illərini tamamlamaq üçün hazırlıq proqramlarına qatılırlar.

İngiltərədə sıfırıncı il (year zero) olaraq da bilinən “Foundation” proqramları, namizəd tələbələrin universitetin birinci kursuna keçməsini təmin etmək üçün bacarıq və mövzuya dair bilikləri inkişaf etdirmək üçün hazırlanmışdır.

“Foundation” proqramları müstəqil olaraq bir illik kurslar kimi də təklif edilə bilər və ya universitetin nəzdində dərəcə proqramlarına inteqrasiya oluna bilərlər. Bəzi hazırlıq proqramlar “A Level” və ya “IB”-də uyğun qiymət ala bilməyən tələbələrə, digərləri isə bu dərəcələri almaq imkanı olmayan tələbələrə yönəldilmişdir. İngiltərədə yüzə yaxın hazırlıq proqramı təklif edən təhsil müəssisələri fəaliyyət göstərir.